PROXECTO DE REFORZO: A RECEITA. (VOLUNTARIO)

 

O seguinte PROXECTO está pensado para que traballedes contidos do anterior curso.

Para realizalo, debedes contar coa axuda dun adulto.

Sigue as INSTRUCIÓNS:

1. Busca os enlaces agochados na imaxe da cociña que mostra o PDF.

2. Le a información sobre a orixe da receita que ides a realizar. Logo describe o seu país de orixe: localización, capital, idioma, personaxes famosos, costumes e curiosidades, etc. Podes axudarte da internet.

3. Visualiza o vídeo da receita e colle os ingredientes que precisas.

4. Calcula e anota o perímetro e a área do recipiente que empregues para o pastel. Pode ser rectangular ou circular. 

Recorda que debes medir os seus lados no caso dun rectángulo ou o radio no caso de que sexa círculo. Se o prefires podes calcular cos datos que aparecen no vídeo.

5. Coa axuda dun adulto, que se encargará da cociña e do forno, fai a receita.

6. Saca unha foto do teu pudin de pan.

7. Escribe unha receita sinxela que coñezas, empregando verbos en modo imperativo: corta, trocea, fai, quenta, mestura, etc. Pódela buscar na internet.

8. Visualiza o vídeo do proceso no que o azúcar se converte en caramelo. 

Investiga que proceso químico se produciu en dito vídeo.

POR ÚLTIMO E NON MENOS IMPORTANTE, BO PROVEITO!

INFORMACIÓN COMPLEMENTARIA PARA REALIZAR O PROXECTO:

REACCIÓNS QUÍMICAS:

Reaccións químicas   (Diapositiva 9 da presentación de ciencias da natureza)